viernes, 9 de febrero de 2018

BLOG DE 5ºA

Os nen@s e a mestra de 5ºA teñen un blog de aula no que van contando cousas do seu día a día.

Dende o segundo trimestre están traballando o libro"Sopa de Europa" da Editorial Alfaguara. e a proposta é que cada neno e nena fagan unha exposición sobre o país que lle tocou.
Están saíndo cousas verdadeiramente chulas.


Aquí tedes o enlace ao seu blog para cotillear un pouco.

https://superdezaoitoblog.blogspot.com.es/

jueves, 8 de febrero de 2018

AUDIO DO 4º PROGRAMA "VOCES DE COMPOSTELA" (Alumnado de 3º)

Aquí tedes o audio coa intervención do alumnado de 3º no programa "Voces de Compostela", explicando a vestimenta da época Medieval.

miércoles, 24 de enero de 2018

AUDIO DO 3º PROGRAMA "VOCES DE COMPOSTELA" (Alumnado 5º)

Aquí tedes o audio coa intervención do alumnado de 5º no programa "Voces de Compostela", explicando a gastronomía, utensilios e as antigas portas da muralla de Santiago na época Medieval.

AUDIO DO 2º PROGRAMA "VOCES DE COMPOSTELA"(Alumnado de 2º)

Adxuntamos audio do programa do mércores 18 de xaneiro "Voces de Compostela", onde participaron os alumn@s de 2º explicando o traballado o curso pasado sobre os oficios e o papel das mulleres e os nen@s na Idade Media:


jueves, 21 de diciembre de 2017

AUDIO PROGRAMA "VOCES DE COMPOSTELA"

Adxuntamos audio completo da intervención do martes 19 no programa "Voces de Compostela". Tamén o podes escoitar directamente e/ou descargar no seguinte enlace:
Arquivo "Voces de Compostela" RadioVoz

19/12/2017 ceip.lamas-abade-1-cap




martes, 19 de diciembre de 2017

PROXECTO "SANTIAGO MEDIEVAL" NO PROGRAMA DE RADIO, "VOCES DE COMPOSTELA"

Hoxe comezamos unha colaboración co programa de RadioVoz "Voces de Compostela" que dirixe o xornalista Alberto González. Carlota, Marta e Jose, xunto ao profe Fran, desprazáronse ate o estudio de radio para participar nunha entrevista e explicar en que consistirá o proxecto que imos a levar a cabo en común baseado no PDI "Santiago Medieval". Unha gran experiencia para todos/as. A partir de xaneiro faremos unha colaboración semanal en dito programa. En breve colgaremos o audio para os/as que non o poidechedes escoitar en directo.




lunes, 18 de diciembre de 2017

OS PEQUES DE LAMAS NO NADAL

Aquí tedes o vídeo da actuación dos peques de Infantil para felicitar este Nadal 2017, cantando "Panxoliña para todo o ano" onde o grupo Mamá Cabra puxo música a un poema de Antón Cortizas.
Os instrumentos que usan son os que elaboraron nos obradoiros interniveis das últimas semanas.

Canción sacada do libro "Xa me tardan estes Magos" da editorial Galaxia.
Resultado de imaxes para mama cabra reis magos


VIDEO DOS MAIORES POLO NADAL

Os maiores do cole quixeron representar a través dun vídeo as palabras que decoran nestas datas a nosa entrada do cole: AMIZADE, XUSTIZA, RESPECTO, LEDICIA, VALOR, VIDA...

RECOMENDACIÓNS DE LIBROS PARA O NADAL

Un ano máis dende a biblioteca queremos axudar aos Reis Magos e Papa Noel a pensar eses fermosos agasallos en forma de libros para gozar coas súas lecturas.

Esperamos que sexan do voso agrado.

Bo Nadal e felices vacacións!!

martes, 12 de diciembre de 2017

CHARLA DE ELENA VÁZQUEZ ABAL. DÍA INTERNACIONAL DA DISCAPACIDADE.


Dentro das actividades programadas polo Equipo de Convivencia para conmemorar o Día internacional da Discapacidade, onte recibimos na biblioteca, a visita da profesora de Matématicas da USC, Elena Vázquez Abal. Ás charlas asistiron os cursos de 3º, 4º, 5º, 6º. Elena, debido a unha enfermidade, ten que desprazarse nun "scooter" polo que solicitounos axuda para que entre todos/as rachemos coas barreiras arquitéctonicas e que conciencemos aos que non respectan as prazas de aparcamento reservadas para as persoas con mobilidade reducida. Ademais animou a todo o alumnado a estudar matemáticas.

viernes, 24 de noviembre de 2017

LECTURA 25 NOVEMBRO "CUENTOS DE BUENAS NOCHES PARA NIÑAS REBELDES"

Onte, Zeltia, Cristina, Lía, Alexia e Luís de 6º, leron, durante ao recreo, algúns fragmentos do libro de Francesca Cavallo "Cuentos de buenas noches para niñas rebeldes" da Ed. Destino. Un libro que conta as extraordinarias vidas de 100 mulleres valentes e con ilustracións de 60 artistas de todo o  mundo. Coco Chanel, Frida Kalo ou Michelle Obama (que invitaron aos presentes a ler) foron algunhas das personaxes que nos deron a coñecer. Finalmente sorprenderon a todos/as cun pequeno agasallo!!