AUDIO DO 12º PROGRAMA "VOCES DE COMPOSTELA" (Alumnado de Audición e Linguaxe)

No programa desta semana fala o alumnado de Audición e Linguaxe sobre o traballado do Medievo durante o curso pasado.

STOP MOTION "DESPOIS DA CHUVIA"

Aquí vos deixamos un video elaborado polo alumnado de valores de 1º A coa técnica Stop Motion, a partir do conto "Despois da chuvia", da editorial Kalandraka.

Un fermoso traballo!!
Noraboa á mestra e aos pequen@s artistas.

DÍA DO LIBRO. HORA LER NO PATIO

Precioso día para celebrar o Día do libro con lectura ao aire libre.

CONTACONTOS E OBRADOIROS CIF COMPOSTELA

O venres, os peques de Lamas tiveron a sorte unha vez mais de contar no cole co alumnado do ciclo de Infantil do CIF Compostela. Repartíronse por aulas en pequenos grupos e alí deleitaron aos nen@s coa narración de varios títulos de album ilustrado e con pequenos obradoiros relacionados coas lecturas.

Aquí tedes un vídeo cos mellores momentos.

AUDIO DO 11º PROGRAMA "VOCES DE COMPOSTELA" (Alumnado de Música)

Aquí tedes o programa desta semana, no que os alumnado de música falou da historia dos instrumentos musicais desa época.

AUDIO DO 10º PROGRAMA "VOCES DE COMPOSTELA" (Alumnado de Religión)

Agora toca comezar cos traballos dos especialistas. Nesta semana foron os alumn@s de Relixión (4º e 5º), os que falaron dos peregrinos e os distintos Camiños de Santiago.

AUDIO DO 9º PROGRAMA "VOCES DE COMPOSTELA" (Alumnado de 4º)

Novo capítulo do programa "Voces de Compostela", lembrando o traballado o curso pasado no PDI Santiago no Medievo. 
Nesta ocasión participaron os alumn@s de 4ºA e 4º B que falaron dos medios de transporte e a liña do tempo. 

PECHADA POR OBRAS.

Abadiño informa que durante uns días a biblioteca permanecerá pechada e reducirá a súa actividade, xa que, imos a levar a cabo unha gran transformación coa idea de converter a biblioteca nun lugar máis útil e acorde coas necesidades do século XXI.  Ao entrar no PLAN LÏA 2.0 (grazas á Asesoría de Bibliotecas Escolares de Galicia) recibimos un investimento importante para seguir avanzando na Lectura, a Información e a Aprendizaxe. Queremos acadar unha serie de desafios como mellorar a atención á diversidade (Biblioteca Inclusiva), mellorar as capacidades lectoras do alumnado e avanzar na lectura dixital (Alfabetizacións múltiples), desenvolver programas para a competencia informacional e mediática (ALFIN/AMI) ou ampliar iniciativas destinadas a implicación das familias e do profesorado para evolucionar cara unha Biblioteca como centro creativo de aprendizaxes.
      Perdoade as molestias ocasionadas pero seguro que estes inconvintes se verán gratamente recompensados co cambio que lle queremos dar á Biblioteca. Seguiremos informando.

DÍA DA POESÍA

Aproveitando a celebración do Día Mundial da Poesía colocamos no hall dous murais para que libremente os rapaces e rapazas anotaran en post-it de cores versos ou títulos de libros de poemas que máis lles gustasen. O venres ao marchar de vacacións cada un podía coller un e levalo para casa.
Así está quedando a entrada.